今日其實唔知係咩日子...俾我知道咁多野！當然大部分都唔係大好啦！最慘ge係....屋宇處又係話有咩野唔得囉！我真係可以點做吖？我都好辛苦....我宜家真係可以點？仲有無人會係我唔得ge時候支持我？定係開始離開我？

我可以點呀？我真係唔知呀！揾人教下我啦！

今日放左補習....我就同Cammie一齊出去買野準備做小生意！嘩....果時真係唔知攰....但係返到屋僅都真係有d攰...！希望我地d小生意可以做得好好地啦！

今日佢都係照平時一樣...打俾我叫我起身！都係無咩特別！

到左下晏...佢打俾我...傾左一陣...佢講晒佢今日ge行程俾我聽之後...都好似無咩咁！之後我同佢係msn傾...唔記得講講下咩野...就開始講..........以下內容：

係喇...我記得講咩喇！我話....邊會唔駛做吖...都未有錢！...之後佢就話...你等下啦...我揾到錢一定會俾你洗架！......我就話....唔聽住先啦！.....佢就話...你唔信我...我一定會架！.....

唉....講真...唔係唔信佢...只不過....宜家好難會知將來發生咩事！我都唔知呀！

倒數：兩個月零二十九日

今日係八月十五。中秋節！祝各位中秋節快樂！

今日收到我一個朋友電話....佢同我講....我地識左十幾年ge朋友....將會係月尾結婚！我聽到果一刻....真係好驚訝！因為係上個月食飯果時....佢都講未有咁快...但突然又話月尾結！

不過....佢地都拍左咁耐...有八年幾喇...都應該ge！但係我自己都係覺得....太早...！因為都係剛出嚟做野無耐...又話要結婚...好似無左d時間咁！事業又未話穩定...！宜家佢地開心就得啦！宜家都要諗下送咩禮俾佢地！唔....如果係我....我就想我d朋友送水晶俾我！因為水晶真係好靚...而我又好鍾意！但係佢地....送咩好呢？

我朋友問我...我會唔會帶埋男朋友一齊去....我真係要問下佢去唔去！我都唔知！雖然佢地擺酒係大陸...都近佢做野...但係我都唔知佢有無心理準備要見我d朋友！我都要問下佢意見先！

講起結婚....我都要諗下....因為佢都曾經同我講過....等佢搞掂晒d生意...所有野上晒軌道...都會同我結婚！但係我真係無諗過係呢兩年ge事！因為我都同佢講過....要結婚....都等多幾年先....等我地ge事業全完穩定晒...我地先會結婚！唔.....如果我地真係結婚.....會係點呢？都真係幾想知！但係我唔會因為想知而宜家結婚ge！

今朝一早同阿媽去睇早埸....！咁我地就睇"80分鍾死亡直播"....！嘩....真係唔錯喎！都幾迫真...不過就真係血腥埸面多！到佢差不多d人染晒病之後...淨返3個主角ge時候...果d染病ge人由下面樓梯衝上去ge時候...真係唔錯！都幾震撼！真係值得一睇！

個人意見：但唔知...點解個d人...會染到果種病呢？係唔係由隻狗傳染？定係果個女仔呢？如果知道無事果d人....一早可以出到去...咁咪唔會有咁多人死囉！只要將凡有少少病果d人留返係棟大廈入面...無病果d人走返出去....咁咪可以無事囉！

今日唔知點解會有咁多事發生！其實今日都係我哥哥生日！我本來都想打俾佢....但係回想一下....佢個電話好似cut左....無再俾我！要揾佢...就即係話要揾老豆...！咁值得咩？我自己都唔知！

但係我真係好想見下佢...揾下佢！因為佢始終都係我哥哥...我都有掛住佢架！唔知佢有無記得我呢個妹妹呢？佢會唔會掛住我呢？我好想知呀！

我係呢度同哥哥講聲.....生日快樂呀！

九號風球呀！！！

自從九九年之後...都無試過喇！真係激！！！

就係咁....今日又放多一日假喇！今朝掛左八號風球ge時候....我同屋企人都有落街買早餐！真係興奮....起初都無落雨.....但點知買完野....又大風...又大雨！最慘係無帶遮嘛！係咁走返返屋企....真係好玩！

咁唔知其他人點呢？

頭先同阿媽吵大鑊！由中學到宜家出嚟做野咁耐....真係都未試過咁！

起因係由一個男仔起.....阿媽唔鍾意呢個男仔....佢又以為我同呢個男仔拍緊拖！但係其實我無囉....！因為我太憎人冤枉我....唔理係咩人....只要佢係冤枉我....我都無情講....同佢反面！就係咁....我同阿媽嘈左成晚！就係咁....我嬲到連佢煮野俾我食....我都唔食...話飽！

係唔係個個阿媽想像力都係咁豐富呢？成日都以為自己諗ge野都係啱呢？係唔係佢係阿媽....佢講咩都啱...我地講咩做咩都唔啱？阿媽真係大晒咩？？？真係好嬲氣囉！

歡迎各友留言~~~~

今日同中二果班同學同埋miss聚舊！真係好耐無見.....如果係街見到佢地....我諗真係唔知佢地係邊個！

今晚都幾開心.....講返之前d野....真係好搞笑....同埋有d好白痴！唔錯....如果下次再有聚會....我都會去！氣氛唔錯！

唉....搞咩八號風球吖....搞到我d計劃錯晒！錢又搞唔點喇！

宜家唯有聽朝快d搞點佢！如果唔係....我同佢都會搞唔點！

今日係星期日....哈哈....今日差不多瞓到十二點先起身！真係開心呀！

唉....原本話同埋d導師一齊去澳門玩....但係宜家佢地又話唔去....真係唔開心囉！,,原本開開心心咁搞去玩....突然又話唔去.....真係掃興囉！做人唔可以應承左之後....又話唔去！唔係因為我同佢去呀？但係一早都話佢都會去啦....咁有咩所謂喎？佢又唔會食左你地....大家都只係想一齊玩啫....有咩問題啫？

成日話唔係幾好....！我真係諗唔到有咩唔好囉！難道真係拍左拖....想同朋友一齊去玩....都唔得？我都覺得無所謂....佢又無所謂....一次唔熟啫....下次就熟啦！成日都話唔好....咁可以點啫？我真係唔知可以點囉！我又唔係一d會重色輕友ge人....但點解會咁呢？

有無人可以教下我可以點做？

今朝真係好緊張！因為要打電話去st.john問成績...真係好驚！

但後來都係無問題ge....我都係合格！宜家仲可以攞到3年有效ge證書！真係好開心！

今日要考St.John急救公開試呀！好彩温晒書啫！但係都有少少驚！今日考三份卷...第一份係筆試(完全無問題)...第二份係CPR(都係無問題)...第三份係包扎(呢份就有少少驚)！因為我當時唔係好舒服！不過算啦...都考左喇！睇下到時放榜係咩成績啦！