我好怕會做左一個錯ge決定...好怕如果我再失去我會咩都無...好怕又會錯失一個機會...咩都好怕！宜家可以點？

我宜家又係拍緊拖...但係我又唔知點解...我又對返佢有返感覺...！我宜家可以點？我點先知道自己係鍾意邊個多d？

好得意...真係好得意！估唔到我同佢都有一段日子無見...一見返...我對佢ge感覺又返嚟喇！

係十一月二十九日...我同佢又唱k喇！係二十八日....我同佢講...我好想唱k...！咁佢就話好...星期六去唱啦！但係佢約左人食飯...咁就要夜d先得！咁我地就約左十點唱...但係就無約到地方！咁我就話...近佢又近我...就係荃灣啦！但諗諗下...十點先開始唱...點都會唱到十二點幾先走啦！我就同佢講...去到咁夜...我一個人返屋企會好驚架！佢就話...送我返屋企！真係估唔到佢會咁講！但係佢之後話...再近我d係邊！我就同佢講係元朗...！咁佢就話...咁就係咁啦...星期六十點等啦！

講真...我真係未試咁夜仲會同一個男仔出街！唯獨係佢...我就會咁做！

我差不多十點去到...但係佢就未到！因為佢等車等得耐左...所以佢遲左！無所謂啦...我都會等佢ge！佢到左之後...我地就去greenbox唱！

唱左無耐...佢就做左d唔似係普通朋友應該會做ge行為出嚟！佢攬住我啦...拖住我啦...佢個頭挨落我膊頭度啦...之後我地仲玩到...大家瞓左落sofa度...到我話要走果時...佢仲攬得我好實...叫我唔好走...陪佢耐d！佢之前從未試過咁對我...所以果時我真係有諗過繼續陪佢...但係我媽又要我返屋企...最後都係埋單走！就係因為咁...我覺得我對佢ge感情...又返返嚟喇！

埋左單之後...佢就同我一齊去撘車！佢之後話...同埋我一齊返去先再撘車返去！咁都可以！因為我都真係想見多佢一陣！其實有時一陣...都已經好足夠！

到左第二日...我同佢再傾偈...！先知點解佢果晚會咁....原來係因為佢唔係太開心..先會想我陪多佢一陣...！但係其實真係咁...佢都唔需要咁攬我吖！會唔會佢都有d感覺呢？定係佢有其他原因呢？因為我有問過佢..但係佢都唔想講...咁我就無辦法...！等佢想講先啦！

但係我其實宜家同緊人拍拖...但係又對第二個男仔咁...好似做左對唔住人ge事咁呀！咁我可以點呢？應該點揀呢？

最近都無打blog...因為實在太攰喇！但係今晚想打...就計返...原來都有十四日無打喇...足足兩個星期！

至於我同佢...都係咁...佢有佢做野...我有我做野...！大家好似互不相干咁！但係佢始終都會同我講下佢ge生活同佢宜家打緊果單官司！十一月七日打完第一埸之後.....又要到十二月十二日再打...！唉...聽到佢咁...我又幫佢唔到！我都唔知可以點！

倒數：一個月零一日

今日佢食飯果時打俾我....咁佢就問我最近點！佢終於記得我轉左時間喇....但係佢記得係應該架....所以我都無特別開心！

倒數：一個月零十六日

佢今日係多左野同我講....但係唔知點解我....我都好似係無咩想聽咁！

倒數：一個月零十七日

今日同佢都傾返多少少偈...！但係都好似無之前咁喇...！點解會咁呢？

倒數：一個月零十八日

今日佢完全唔記得左我改左時間做野.....真係激死呀！唔知係唔係佢太忙呢？不過都係有d唔開心囉！

所以我sd左句...覺唔覺我地ge距離遙遠左？.......唔知佢有咩反應呢？

倒數：一個月零十九日

今日可以算係...同佢一齊之後....而佢又係喺香港....都可以係一個電話都無！我都唔知佢搞緊咩呀！唉...由佢啦！可能佢開始覺得同我一齊悶喇！

倒數：一個月零二十日

今日佢真係傻...佢以為自己要返工....一早起身....！好彩到佢差不多撘車果時...先記起今日短周唔駛返工！佢真係做到傻傻下！到下晏....佢就同兩隻狗狗去灣仔狗狗公園散步！

唉....我同佢....其實宜家都好似係各有各生活...！大家雖然係拍拖....好應該星期六日...大家放假...都係一齊去下街...拍下拖！但係我地就好似無！唔知係我問題....定係佢問題呢？

倒數：一個月零二十一日

今日佢同我講....今次佢公司出現問題...係皆因上次佢無接到某一個人ge生意！點知今次再接果個人....就係果個人ge朋友...！今次真係俾佢地玩死.....！唉...世界真係細！

係佢未同我講之前......我同佢講...我好想放棄！咁佢就問我...係唔係放棄佢...！我同佢講....我真係有諗過....但係唔捨得！但我話....如果有一日我真係放棄佢...佢會點！佢就答我....佢唔知會點！唉....我諗我暫時都唔會離開佢ge！

倒數：一個月零二十二日

今日佢同我講....原來佢宜家係三份工嚟揾錢！聽到佢咁搏.....真係好心痛...好驚佢身體會挨唔住！但係佢都話唔怕...仲要揾多份！唉....佢ge辛苦幾時先可以完呀？我有同佢講...話我幫下佢....佢就話...唔駛...佢會自己搞得掂！聽到佢咁...我都真係想喊...好心痛！

辛苦....倒霉....快d遠離佢啦！

倒數：一個月零二十三日

聽到佢同我講....佢好辛苦...好攰...個心真係有d心痛！但係有時佢同我講來講去都係呢d....有時都覺得悶...！但無辦法啦...我係佢女朋友...佢唔係同我訴苦...又可以同邊個呀！我都會聽ge....當我聽到佢咁...叫佢唔好搞到自己咁...佢就會話....宜家辛苦d...第時就唔駛咁辛苦！可以俾到最好ge野我...！雖然宜家只係講...未能夠做到...但聽到佢咁講...又點會唔心甜吖！宜家辛苦都係值得ge！

倒數：一個月零二十四日

今日佢終於知道佢同佢拍檔真係要打官師喇！佢宜家咁煩....我身為佢女朋友...都好似幫唔到佢d咩咁...唯有係聽下佢訴苦啦！

倒數：一個月零二十五日

佢今日同我講....佢公司又出現左問題....宜家有可能佢同佢拍檔都會被人告！唉....都唔知佢地公司發生咩事！佢知我擔心....所以佢話....應該係唔會有事...一定打得到無事！我又唔知咁多....咁我唯有信佢啦！

我同佢最近咩野都係唔係咁好...處處都好倒霉...！我地d倒霉幾時先會走？

倒數：一個月零二十六日

佢琴日已經返左大陸...佢話今日會返嚟！到我差不多七點打俾佢時....佢仲未返到！到左差不多十點先返到屋企...！唔知點解....佢係每一樣野都會同我講....同我交代得好清楚....但係我都係有少少覺得同佢ge距離都好似係好遠咁...！真係唔知點解？唉.....~~~~

倒數：一個月零二十七日