今日係二零零八年十月三十一日。

今日佢同我講....今次佢公司出現問題...係皆因上次佢無接到某一個人ge生意！點知今次再接果個人....就係果個人ge朋友...！今次真係俾佢地玩死.....！唉...世界真係細！

係佢未同我講之前......我同佢講...我好想放棄！咁佢就問我...係唔係放棄佢...！我同佢講....我真係有諗過....但係唔捨得！但我話....如果有一日我真係放棄佢...佢會點！佢就答我....佢唔知會點！唉....我諗我暫時都唔會離開佢ge！

倒數：一個月零二十二日

今日係二零零八年十月三十日。

今日佢同我講....原來佢宜家係三份工嚟揾錢！聽到佢咁搏.....真係好心痛...好驚佢身體會挨唔住！但係佢都話唔怕...仲要揾多份！唉....佢ge辛苦幾時先可以完呀？我有同佢講...話我幫下佢....佢就話...唔駛...佢會自己搞得掂！聽到佢咁...我都真係想喊...好心痛！

辛苦....倒霉....快d遠離佢啦！

倒數：一個月零二十三日

今日係二零零八年十月二十九日。

聽到佢同我講....佢好辛苦...好攰...個心真係有d心痛！但係有時佢同我講來講去都係呢d....有時都覺得悶...！但無辦法啦...我係佢女朋友...佢唔係同我訴苦...又可以同邊個呀！我都會聽ge....當我聽到佢咁...叫佢唔好搞到自己咁...佢就會話....宜家辛苦d...第時就唔駛咁辛苦！可以俾到最好ge野我...！雖然宜家只係講...未能夠做到...但聽到佢咁講...又點會唔心甜吖！宜家辛苦都係值得ge！

倒數：一個月零二十四日

今日係二零零八年十月二十八日。

今日佢終於知道佢同佢拍檔真係要打官師喇！佢宜家咁煩....我身為佢女朋友...都好似幫唔到佢d咩咁...唯有係聽下佢訴苦啦！

倒數：一個月零二十五日

今日係二零零八年十月二十七日。

佢今日同我講....佢公司又出現左問題....宜家有可能佢同佢拍檔都會被人告！唉....都唔知佢地公司發生咩事！佢知我擔心....所以佢話....應該係唔會有事...一定打得到無事！我又唔知咁多....咁我唯有信佢啦！

我同佢最近咩野都係唔係咁好...處處都好倒霉...！我地d倒霉幾時先會走？

倒數：一個月零二十六日

今日係二零零八年十月二十六日。

佢琴日已經返左大陸...佢話今日會返嚟！到我差不多七點打俾佢時....佢仲未返到！到左差不多十點先返到屋企...！唔知點解....佢係每一樣野都會同我講....同我交代得好清楚....但係我都係有少少覺得同佢ge距離都好似係好遠咁...！真係唔知點解？唉.....~~~~

倒數：一個月零二十七日

今日係二零零八年十月二十五日。

今日既係我生日....又係我同佢一齊左三個月！但係今日都好似同平日無咩分別咁...只不過係多左d朋友打俾我...sd野俾我...同我講生日快樂！之後都係一樣！

而我同佢....都係咁！因為佢今日要返大陸果間公司做野....所以佢都無同我慶祝！唔緊要啦....始終我都係覺得做野係緊要d！我唔會怪佢ge....不過自己就會係有少少唔開心囉！

倒數：一個月零二十八日

今日係二零零八年十月二十四日。

今日佢問左我一個問題...問我點解唔打俾佢...！其實我有諗過打俾佢...但係我無做到...可能我有d野仲未諗得清楚啦！

倒數：一個月零二十九日

今日係二零零八年十月二十三日。

今日唔知點解好似無咩同佢講....！可能係因為又係我自己ge問題啦！但係我又唔可以俾佢知！唉.....唔知係唔係我真係太耐無拍拖....宜家突然拍返....有d仲係唔係好慣！

唉...唔知呀！

倒數：一個月零三十日

今日係二零零八年十月二十二日。

今日佢好夜先放工...但係佢因為琴晚瞓得唔好...所以佢今日都有d燥！咁佢又無對我....只係俾我聽到佢對其他人係咁囉！

倒數：一個月零三十一日