  |
  
|
今日係二零零八年八月三十一日。
今朝一早同阿媽去睇早埸....！咁我地就睇"80分鍾死亡直播"....！嘩....真係唔錯喎！都幾迫真...不過就真係血腥埸面多！到佢差不多d人染晒病之後...淨返3個主角ge時候...果d染病ge人由下面樓梯衝上去ge時候...真係唔錯！都幾震撼！真係值得一睇！
個人意見：但唔知...點解個d人...會染到果種病呢？係唔係由隻狗傳染？定係果個女仔呢？如果知道無事果d人....一早可以出到去...咁咪唔會有咁多人死囉！只要將凡有少少病果d人留返係棟大廈入面...無病果d人走返出去....咁咪可以無事囉！
今日係二零零八年八月二十九日。
今日終於真相大白喇！
原來佢琴晚其實有sd過msg俾我....只不過係我收唔到....我真係錯怪左佢喇！佢琴晚因為有客要傾....所以佢琴晚無打俾我....仲係大陸...！佢話佢msg講左....今日先打俾我！佢今日真係十點左右就打俾我喇！到我放工ge時候....我無打俾佢....佢都有打俾我！咁即係話....我琴晚錯怪左佢....同埋對佢太無信心....！我真係傻呀！
我唔應該對佢無信心...！我都應該對自己有信心...因為係我揀嘛！我咁好...佢都話過...佢唔會離開我....日後一定會養我！唔....我今日好開心呀！
今日係二零零八年八月二十八日。
今日佢都有打俾我...但係已經無以前咁多喇！係唔係d男人一定係未追到手...就會著緊d....！一追到手....就可以愛理不理？我唔鍾恴咁呀！男人個心究竟係點？
佢今日同我講....佢今日放工會返大陸攞野....但之後就會返香港！但係到我放工ge時候....我打俾佢....我都唔知佢係邊！佢就話....夜d打俾我...！但係我到宜家都仲未收到佢電話...！係佢返左嚟香港....食左藥累....瞓左...先無打俾我？定係佢返左大陸？定係佢真係唔記得左要打返俾我？我宜家好唔知點！
我好亂....因為我怕再次失去....我唔想再玩...！我係認真....！我宜家只係怕唔知點同屋企人解釋....！但係我又怕佢唔知係唔係認真！我對佢....始終有d又愛又恨！
今日係二零零八年八月二十五日。
今朝佢有打俾我叫我起身。果一刻..都真係幾開心..起碼果一刻覺得佢都有放係個心度！
但係到下晏....佢同我講....可能星期六又要返大陸...果一刻...真係突然沉左一沉！因為佢好似唔記得左佢果晚約左我食飯....真係好唔開心！但回想一下....佢始終係男人...做野一定係緊要d....佢唔做野....又點會有錢...可以養我呢！
但係又諗....我同佢都有好耐無見喇....！咁又好似唔知點咁....起初諗住有得見....但點知宜家又話無...！個心真係唔開心...又有d唔忿氣囉！
做人真係好矛盾呀！點算呀？我應該點做？應該坦然同佢講....我好想見佢？定係由佢返大陸做野？唉.....好煩呀！都唔知點做好？
今日係二零零八年八月二十四日。
佢今日成日都無打俾我....！因為佢琴晚臨去飲晏之前同我講....佢今日會同伯娘佢地飲茶...都唔係好得閒！所以我今日無聽到佢打俾我....個心有d唔係好舒服！
佢到夜晚九點半左右打俾我.....話俾我知佢返緊屋企！咁佢就話....佢琴晚無返屋企瞓....！咁我就乘機問....係唔係去左果邊瞓！佢就話....唔係....去左個朋友度打通宵麻雀....同埋因為佢個電話無電....所以佢無收到我msg....到佢充左電....開返電話....諗住打俾我....就見到我sd過msg俾佢！
咁我個心係唔係應該放鬆d？唔應該再咁緊張？仲係好似有好多疑問咁！
