今日係二零零八年三月三十日。

没有聯絡的第九十三天後......有聯絡的第三十天......

我今日知道佢係好忙....因為佢之前同我講過！但係我都好似平日咁...起身食飯都有sd野俾佢！我今日完全無諗過佢會覆我...因為我知佢係一個一做野...就咩都唔理ge人！但係到左夜晚...我見到落雨...咪sd同佢講！點知隔左唔係好耐...佢竟然覆返我！佢同我講...佢果邊無落雨！唯有我再同佢講....可能係佢果邊無落啦！但係到之後...佢都無覆過我喇！

我宜家每日都係咁sd野俾佢...同佢講一d我自己ge野...提下佢食飯....！唔知咁做...會唔會令到佢覺得我好煩呢？但係佢又好似唔會咁話我喎！我都唔知呀！

今日係二零零八年三月二十九日。

今日佢真係好忙...真係無咩時間同我傾偈！但係只要佢一有時間...佢都會覆我sms！今日我去街買衫...用sms同左佢講...咁我返到屋企再sd sms同佢講！估唔到...佢做野做到攰到瞓著左喇！聽到佢咁攰...我都唔好意要佢同我傾...！所以我就叫佢休息...唔好再傾！

咁我宜家咁對佢...佢又咁對我...係唔係已經過左普通朋友關係呢？

今日係二零零八年三月二十八日。

没有聯絡的第九十一天後......有聯絡的第二十八天......

今日真係唔知點呀...？同佢好似一齊左...因為琴晚同佢傾偈...佢叫我送我自己俾佢！但係今日問佢...佢又好似唔覺係一會事！唉....真係唔知點！

諗返之前....佢同我講過...."佢唔係一個好人...佢話俾定一個心理準備我"...！我起初真係唔知點解...今日我諗諗下...唔知係唔係佢分人呢..？係一個愛理不理ge人...？我有sd sms 問佢...但係佢無答我！

其實...我開始知道一d野....就係....每逢星期五夜晚(即係佢放左工之後)...我都係揾唔到佢...我sd sms 俾佢...佢都係唔覆！msn 佢又唔開....唔知佢係唔係同朋友一齊呢？就只係呢樣唔知囉....！佢真係好得意....佢會同佢d朋友一大班人去玩....無論係晏晝又好....夜晚又好...都係咁....！但係....如果我話約埋d朋友一齊出嚟玩...佢次次都話唔好....有時仲會話唔得閒...！我有時真係唔知佢諗緊咩！

會唔會因為佢知我鍾意佢....所以佢就會咁對我...？佢會唔會係想吊住我引..？因為我雖然係識左佢3年幾...但係我真係唔係好明佢諗咩！我要幾時先知呢？唉....我同佢真係糾纏左好耐喇！

今日我同一個好姊妹傾偈....佢都話我....點解我同佢可以糾纏咁耐....！話我地好應該快d做個決定...！我姊妹話我....真係未試過聽到我可以鍾意一個人咁耐....！因為之前我都係同d男仔都係好唔正經...但係今次又好似唔同囉！我都好想快d解決....！但係有時有d野...唔係得我單方可以解決....要雙方架！但係幾時先得呢...？我都唔知！

今日係二零零八年三月二十七日。

没有聯絡的第九十天後......有聯絡的第二十七天......

今日不停係咁同佢用sms傾...傾到宜家！我今日由於去申請固網電話...所以佢地以優惠價俾兩個號碼我！咁我咪同佢講...俾一個佢囉！佢就話以為我送電話俾佢....真係好笑！雖然我都真係有諗過...但係都唔係宜家囉！之後佢就講..."叫我唔好送電話俾佢...叫我送我自己俾佢"....！佢咁講...係唔係即係話佢想同我一齊？

我問佢..."會唔會珍惜呢份禮物"...？佢就話..."佢會好好咁珍惜"....！咁係唔係佢即係真係想同我一齊？只不過...佢用左另外一個方法講？

今日係二零零八年三月二十六日。

今日終於收到新舖ge匙喇！今日拜完神之後...裝修師傅就開始裝修喇！唔知整好之後...會唔會係同我設計ge圖一樣呢？真係好想快d知！

今日係二零零八年三月二十六日。

没有聯絡的第八十九天後......有聯絡的第二十六天......

今日都可話有聯絡下ge...但係唔知點解我覺得好似有d陌生咁！我同佢究竟係點？係唔係真係要我完全唔理佢ge時候...佢又先會理下我？我唔想咁呀！

其實我係佢心目中係咩地位？見面時...就似係情侣關係！無見面時...就普通過普通朋友！我幾時先可以搞清楚？係唔係真係要我到唔理佢時...先可以知？

今日係二零零八年三月二十五日。

没有聯絡的第八十八天後......有聯絡的第二十五天......

今日我同佢都好似無咩傾咁...係msn見到....佢都係教我點del.果個virus！有無嬲佢？其實係有囉！但係佢可能真係好忙....因為今日都見到佢都好忙咁！可能琴日佢都係因為要準備返工d野啦！

唔知會點呢？

今日係二零零八年三月二十四日。

没有聯絡的第八十七天後......有聯絡的第二十四天......

今日真係對佢所俾我ge反應...真係好心淡囉！俾着係普通朋友...都唔會好似佢咁！叫我自己問人...唔問人就幫唔到我！咁即使真係幫唔到我...咁係唔係見差唔多時間都會打電話問下...揾唔揾到呢！但係佢到宜家都無打過嚟囉！真係唔識點再講喇！好心淡囉！我由旺角開始行...竟然可以問人點行...可以行到九龍城...！但係我又唔係要去果度喎...我係要去窩打老道！真係...都唔知點解可以咁！

係呢一刻...我真係好想放棄呀！唔想再咁喇！根本都唔知點解自己要為左一個都唔知係唔係鍾意自己ge人而等...真係好傻！我宜家應該點做？係唔係放棄？定係再睇下佢會點做？真係唔知呀！好辛苦呀！

今日係二零零八年三月二十三日。

今日同個老朋友傾偈...都係傾d事業呀....感情呀...！係我同佢ge睇發都係....宜家先搞好自己ge事業....其後就係感情ge事！

因為宜家ge我....已經唔係十靚歲喇！唔會再有咁多魅力喇...要揾ge話....就好把握喇！我個老朋友宜家聽佢講都唔錯....但係點都要諗清楚囉！想玩玩下ge...就真係無所謂....但係如果係想一生一世ge話....咁就要認真考慮喇！

而至於我自己.....唉.....真係唔知呀！點解可以搞咁耐架？感覺是否真架？我都唔知！難道係唔係想我真正出嚟做野...佢先會諗？

定係佢一直覺得我會玩佢...對佢唔認真？我真係唔知！我好希望我同我個老朋友都可以揾到一個真心錫自己ge男人出現！我好驚自己揾唔到呀！

今日係二零零八年三月二十三日。

琴晚真係唔知點解瞓唔著！成晚醒....！直至到五點...我sd左個msg俾佢...同佢講我瞓唔著！同埋同佢講...問下佢有無興趣去扭蛋節。之後慢慢就瞓番！但係...不夠九點...又醒左！望下個電話...以為佢有覆到我啦....點知都係無！我諗我真係中左佢ge毒太深喇！不能自拔！

今日成個下晏係咁揾佢...都係揾唔到！到傍晚五點幾...佢先覆我...同我講....佢啱啱先起身！先再問我去咩節...真係激死！問佢點解宜家先起身...佢話瞓完再瞓...不停係咁瞓！呢一刻...真係激到可以彈上天花板。唉...點解佢可以咁架？真係咁攰咩？

之後同佢講返扭蛋節....佢就話幾有趣....但係唔得閒去喎！唔知係佢唔想陪我去吖？定係佢真係唔得閒呢？我真係好想知！我突然覺得佢對我唔公平...佢想點就點...好似無為我諗過！有時睇返之前d sms....睇到佢講...."咩都有可能...無野係無可能"...咁點解我同佢到宜家都仲未發生果種"可能"？係我唔夠主動...？定係佢唔夠主動唔夠膽...？定係佢根本唔係鍾意我？

真係好想知...好想知...好想知...好想知...好想知...好想知呀！我幾時先可以知道呀？唔好再咁對我好嘛？咁會好辛苦架！