  |
    |
今日係二零零八年八月二十八日。
今日佢都有打俾我...但係已經無以前咁多喇！係唔係d男人一定係未追到手...就會著緊d....！一追到手....就可以愛理不理？我唔鍾恴咁呀！男人個心究竟係點？
佢今日同我講....佢今日放工會返大陸攞野....但之後就會返香港！但係到我放工ge時候....我打俾佢....我都唔知佢係邊！佢就話....夜d打俾我...！但係我到宜家都仲未收到佢電話...！係佢返左嚟香港....食左藥累....瞓左...先無打俾我？定係佢返左大陸？定係佢真係唔記得左要打返俾我？我宜家好唔知點！
我好亂....因為我怕再次失去....我唔想再玩...！我係認真....！我宜家只係怕唔知點同屋企人解釋....！但係我又怕佢唔知係唔係認真！我對佢....始終有d又愛又恨！
今日係二零零八年八月二十五日。
今朝佢有打俾我叫我起身。果一刻..都真係幾開心..起碼果一刻覺得佢都有放係個心度！
但係到下晏....佢同我講....可能星期六又要返大陸...果一刻...真係突然沉左一沉！因為佢好似唔記得左佢果晚約左我食飯....真係好唔開心！但回想一下....佢始終係男人...做野一定係緊要d....佢唔做野....又點會有錢...可以養我呢！
但係又諗....我同佢都有好耐無見喇....！咁又好似唔知點咁....起初諗住有得見....但點知宜家又話無...！個心真係唔開心...又有d唔忿氣囉！
做人真係好矛盾呀！點算呀？我應該點做？應該坦然同佢講....我好想見佢？定係由佢返大陸做野？唉.....好煩呀！都唔知點做好？
今日係二零零八年八月二十四日。
佢今日成日都無打俾我....！因為佢琴晚臨去飲晏之前同我講....佢今日會同伯娘佢地飲茶...都唔係好得閒！所以我今日無聽到佢打俾我....個心有d唔係好舒服！
佢到夜晚九點半左右打俾我.....話俾我知佢返緊屋企！咁佢就話....佢琴晚無返屋企瞓....！咁我就乘機問....係唔係去左果邊瞓！佢就話....唔係....去左個朋友度打通宵麻雀....同埋因為佢個電話無電....所以佢無收到我msg....到佢充左電....開返電話....諗住打俾我....就見到我sd過msg俾佢！
咁我個心係唔係應該放鬆d？唔應該再咁緊張？仲係好似有好多疑問咁！
今日係二零零八年八月二十三日。
今日佢下晏五點左右返到香港....！咁佢就同我講...佢宜家撘緊車去接兩個仔...之後同佢地去玩...最後就去佢好朋友婚宴！佢話佢應承左佢地喎！唔知點解....我唔係好明佢囉！雖然佢好似係咩都同我講...但係我總係覺得唔係好了解佢同明白佢！係我多疑？多野諗？定係我真係仲係怕某樣野呢？
佢講佢會同我結婚...講到好長遠...但事實係唔係咁呢？佢工作果面...我都算清楚...因為佢都會一五一十同我講！至於佢之前d感情....雖然佢都有同我講....但係我都係唔知點解....我都係好似唔係好清楚...仲係矇矇糊糊咁！係唔係皆因佢仲有同佢之前呢個聯絡...？
我宜家其實都唔係好知道我係佢心目中...係唔係真係咁重要？有時...我真係係到諗....我同佢宜家究竟係咩關係？我會唔會其實係阻住左佢地復合？呢d問題....每當佢一同果邊見面...我就會好自然諗！
我真係好驚...好驚佢會呃我！我真係唔知！我都有問過佢....我會唔會係佢地兩個之間ge一件阻礙物？佢就答我....梗係唔會啦....點解你會咁好想像力架？咁問返我！咁究竟佢....係唔係真係唔會同返佢之前果個一齊？
佢幾時先可以俾返到一d安全感....一d信心俾我？俾我唔好再亂諗....因為我自己咁不由自主地咁諗野....我都好辛苦！因為我曾經應承過自己....只要我再一拍拖....我就唔會再玩玩下...！因為我唔想再衰俾任何人睇！可能就係咁....我會比之前拍任何一次都更加辛苦！
其實我應該可以點做？我已經嘗試去全心相信佢...但係我又好似做唔到！咁可以點呢？
